როგორც მოგეხსენებათ, ქუთაისის "ტორპედო" კონფერენს ლიგის მეორე საკვალიფიკაციო ეტაპის პირველ შეხვედრაში, საკუთარ კედლებში ყაზახურ "აქტობესთან" ანგარიშით 4:1 დამარცხდა. 

აღნიშნულ ფაქტთან დაკავშირებით, ქუთათურთა მთავარმა მწვრთნელმა, სტივ კინმა კომენტარი გააკეთა: 

"იმედგაცრუებული ვართ, ამ შედეგს არ ველოდით. მეორე ტაიმის დასაწყისში შანსები გვქონდა, თუმცა ვერ გამოვიყენეთ. მეტოქემ ნახევარდაცვის ხაზში განსაკუთრებით გვაჯობა. ჯერ არაფერი დასრულებულა, ყველაფერი წინაა. ვიტყვი, რომ გოლების გაშვება ყველა რგოლის ბრალია. ასევეა, როცა გაგვაქვს. თავისუფალი ზონები რჩებოდა, თუმცა მარცხში მცველების განსაკუთრებული ბრალეულობა არ ყოფილა" 

"მომდევნო მატჩში აუცილებლად უნდა გავიტანოთ. სწრაფ გოლს დიდი მნიშვნელობა ექნება და კარგად უნდა შევუტიოთ. სამწუხაროდ, მეტოქეზე ზეწოლა ვერ განვახორციელეთ. ქარი და დამატებითი გარემოებები არაფერ შუაშია" 

"პირველ ტაიმში მოწინააღმდეგის ნახევარზე გადასვლა გვიჭირდა. მეორე 45 წუთში შეტევებში ყოფნას მხოლოდ ჩვენ ვცდილობდით და მეტოქეზე ზეწოლას ვახორციელებდით. ცვლილებების განხორციელება მანამდეც შეიძლებოდა, თუმცა მას გეგმაზომიერად ვახორციელებდით", - განაცხადა ინგლისელმა. 

აქვე შეგახსენებთ, რომ კლუბებს შორის განმეორებითი შეხვედრა 5 აგვისტოს შედგება