მადრიდული Marca ირწმუნება, რომ "ატლეტიკოს" გამოცდილი ცენტრალური მცველის, გაბრიელ პაულისტას უახლოესი მომავალი თითქმის გადაწყვეტილია.

ბრაზილიელი უკანახაზელი "როხიბლანკოს" იანვრის სატრანსფერო ფანჯარაზე, "ვალენსიასთან" კონტრაქტის გაწყვეტის შემდეგ შეუერთდა. მხარეებს შორის 6-თვიანი ხელშეკრულება გაფორმდა.

მაშინ ითქვა, რომ თუ გაბრიელი "ინდიელთა" უფროსობას თავს მოაწონებდა, კონტრაქტი კიდევ 1 წლით გახანგრძლივდებოდა, რაც მას "ვანდა მეტროპოლიტანოზე" 2025 წლის ზაფხულამდე დატოვებდა.

Marca-ს ცნობით, მოვლენების ამგვარი სცენარით განვითარება გამორიცხული ჩანს.

გაბრიელი "ატლეტიკოს" კონტრაქტის ამოწურვისთანავე, 30 ივნისს დატოვებს. ჯერჯერობით უცნობია, თუ სად გააგრძელებს 33 წლის ფეხბურთელი კარიერას.