"მილანმა" ახალი სეზონისათვის მზადება აქტიურად დაიწყო. იტალიელებმა უკვე გადაიბირეს ფრანკ კესიე, მატეო მუსაკიო და რიკარდო როდრიგესი. ამჯერად ისინი შეტევითი პოტენციალის ამაღლებას გეგმავენ.

"Sky"-ს მიერ გავრცელებული ინფორმაციით, "როსონერის" ინტერესთა სფეროში ბუნდესლიგის მიმდინარე სეზონის ვარსკვლავი, ემილ პიტერ ფორსბერგი მოექცა. 25 წლის ფეხბურთელმა 32 შეხვედრაში 8 გოლის გატანა შეძლო. ტოპ 5 ჩემპიონატში კი ყველაზე მეტი საგოლე გადაცემა გააკეთა - 22.

"ლაიპციგი" შვედ ფეხბურთელს 25 მილიონ ევროდ აფასებს, "მილანელები" კი ფასის შემცირებაზე მოლაპარაკებებს მართავენ. მხარეებს შორის მოლაპარაკებები უკვე დაწყებულია და ახლო მომავალში ყველაფერი უფრო ზუსტად გახდება ცნობილი.