90%-ით ყველაფერი გადაწყვეტილია! - როდის და ვის წინააღმდეგ იბრძოლებს ილია თოფურია 90%-ით ყველაფერი გადაწყვეტილია! - როდის და ვის წინააღმდეგ იბრძოლებს ილია თოფურია » Footballnews 90%-ით ყველაფერი გადაწყვეტილია! - როდის და ვის წინააღმდეგ იბრძოლებს ილია თოფურია

90%-ით ყველაფერი გადაწყვეტილია! - როდის და ვის წინააღმდეგ იბრძოლებს ილია თოფურია

1 საათის და 58 წუთის წინ

გიორგი სოხაძე

UFC-ს 2026 წლის პირველ ღონისძიებაზე მსუბუქი დივიზიონის (70კგ) დროებითი ქამრისთვის ბრძოლაში ჯასტინ გეიჯიმ პედი პიმბლეტი მსაჯთა ერთსულოვანი გადაწყვეტილებით დაამარცხა.

2025 წლის მიწურულს აღნიშნული წონის ჩემპიონმა, ილია თოფურიამ განაცხადა, რომ პირადი პრობლემების გამო იანვარში ვერ იბრძოლებდა და ორგანიზაციამ დროებითი ქამარი სხვა მებრძოლებს შორის გაათამაშა.

37 წლის ამერიკელმა პედი პიმბლეტს ხუთრაუნდიან დაპირისპირებაში აჯობა, თუმცა აღსანიშნავია, რომ ბრიტანელმა დიდი გამძლეობა გამოავლინა – გეიჯის ნოკაუტის გაფორმება შეხვედრის მსვლელობისას რამდენჯერმე შეეძლო.

შედეგად, ჯასტინ გეიჯი UFC-ს მსუბუქი წონის დროებით ქამარს კარიერაში მეორედ დაეუფლა – ის უპირობო ჩემპიონი არასდროს ყოფილა.

სავარაუდოდ, გეიჯისა და ილია თოფურიას საჩემპიონო ბრძოლა მიმდინარე წლის გაზაფხულის ბოლოს ან ზაფხულის დასაწყისში გაიმართება.

29 წლის ქართველი მსუბუქი დივიზიონის ჩემპიონი 2025 წლის ივნისში გახდა, მან ბრაზილიელი ჩარლზ ოლივეირა დაამარცხა.

როგორც მედიაში ვარაუდობენ, 90%-ით ილიასა და გეიჯის ბრძოლა 14 ივნისს UFC-ის თეთრი სახლის ღონისძიებაზე შედგება.