მარცხის მიუხედავად, ცნობილია, რა თანხა გამოიმუშავა გიგა ჭიკაძემ არნოლდ ალენთან ბრძოლით

გიგა ჭიკაძე მანჩესტერში გამართულ UFC 304-ზე ბრიტანელ არნოლდ ალენს შეხვდა და მსაჯთან გადაწყვეტილებით, დამარცხებულად გამოცხადდა.

35 წლის ქართველმა მებრძოლმა UFC-ისგან, კონტრაქტით გათვალისწინებული, 60 000 დოლარი მაინც მიიღო, ხოლო 10 000 დოლარს მას დამატებით სპონსორები გადაუხდიან.

სამრაუნდიანი დაპირისპირების პირველი რაუნდი ქართველმა დამაჯერებლად ჩაატარა, თუმცა მეორე და მესამე რაუნდში ალენი ძალიან გააქტიურდა და ჭიკაძეს გაუჭირდა.

ამჟამად ქართველი მებრძოლი UFC-ის ქვემსუბუქი წონის რეიტინგში მე-10 ადგილზეა. ორგანიზაციაში ჩატარებული 10 ბრძოლის შემდეგ მას რვა გამარჯვება და ორი მარცხი აქვს.