ლეგენდარული რონალდიონიო პარი სენ-ჟერმენის ტრიუმფს ძალიან ემოციურად გამოეხმაურა

ლეგენდარულმა ფეხბურთელმა, რონალდინიომ, „პარი სენ-ჟერმენის“ მთავარ მწვრთნელს, ლუის ენრიკეს ჩემპიონთა ლიგის ტრიუმფის შემდეგ ემოციური სიტყვებით მიმართა და მისი პროფესიონალიზმი, ლიდერობა და სიძლიერე განსაკუთრებულად გამოარჩია.

„გილოცავ, ლუის ენრიკე! მთელი მსოფლიოს აჩვენე, როგორ უნდა გაუმკლავდე ცხოვრების სირთულეებს... შენი ძალა ამ ახალგაზრდებსაც გაუორმაგდა — მათ ბევრის სწავლა შეუძლიათ ლიდერისგან, რომელსაც თავისი საქმისადმი ასეთი პატივისცემა და ერთგულება აქვს. შენ მიხვდი, რომ ღიმილით, გულითა და სიყვარულით შესრულებული საქმე ნამდვილად ღირდა!“

„გილოცავ კიდევ ერთხელ, შენი ისტორია ყველას გვინერგავს რწმენას, რომ უნდა ვიყოთ ძლიერი!“, — დაწერა რონალდინიომ სოციალურ ქსელში.

ლუის ენრიკეს ხელმძღვანელობით, პსჟ-მ 2024/25 წლების სეზონში საფრანგეთის ჩემპიონატი, თასი და ჩემპიონთა ლიგა მოიგო. მისი კურსით გამორჩეულად წარმატებული აღმოჩნდა არა მხოლოდ გუნდის შედეგებისთვის, არამედ გუნდის ერთიანობისა და სიმტკიცისთვის, რაც მწვრთნელის პიროვნულ თვისებებსაც მოწმობს.

ლუის ენრიკეს პირად ცხოვრებაში არაერთი სირთულე გადაუტანია — მათ შორის, ქალიშვილის ტრაგიკული გარდაცვალება 2019 წელს. ამ ფონის მიუხედავად, მან შეძლო პროფესიულად დაბრუნება და კარიერის ერთ-ერთი ყველაზე წარმატებული სეზონი დაეწერა.