"უკეთესი იქნებოდა, "ზენიტს" ქართველი ფეხბურთელი ეყიდა და შემდეგ ის ამ ფასად გაეყიდა" - ჯანაშიამ რუსულ კლუბს ტრანსფერი არ მოუეწონა

სანქტ-პეტერბურგის „ზენიტმა“ ბრაზილიური „ბოტაფოგოს“ 24 წლის ფორვარდი ლუის ენრიკე 35 მილიონ ევროდ დაიმატა. ძვირადღირებულ ტრანსფერზე რუსულ გამოცემა Championat-თან ვეტერანმა ქართველმა ფეხბურთელმა ზაზა ჯანაშიამ ისაუბრა და კლუბის მოქმედება გააკრიტიკა.

„ვერ ვხედავ ლოგიკას ამ გადაწყვეტილებაში. „ზენიტს“ ლუის ენრიკეს გარეშეც ძლიერი შემადგენლობა ჰყავს. რატომ უნდა გადაიხადოს კლუბმა ასეთი თანხა, როცა არ მონაწილეობს ევროტურნირებზე? ეს ტრანსფერი უაზროდ მეჩვენება,“ — აღნიშნა ჯანაშიამ.

მისი თქმით, სანქტ-პეტერბურგელებს რუსეთის ჩემპიონატშიც შეეძლოთ მაღალი დონის ფეხბურთელის მოძიება:

„რუსეთში უამრავი ნიჭიერი მოთამაშეა და ვფიქრობ, აქედან აყვანა უფრო მართებული იქნებოდა. ან თუნდაც, ქართველ ფეხბურთელზე გაეკეთებინათ არჩევანი — ჩამოეყვანათ, განვითარებაში დახმარებოდნენ და შემდეგ თავად გაეყიდათ ის 35 მილიონად.“