"მოვა დრო, რუსებთან თამაშზე ყველა იოცნებებთ!" - ომარ თეთრაძე

რუსეთისა და პაკისტანის ეროვნული ნაკრების დაგეგმილი ამხანაგური მატჩი გაუქმდა, რის შედეგადაც რუსეთის ნაკრები მეტოქის გარეშე დარჩა.

ყველაფერი რამდენიმე თვის წინ დაიწყო, როცა რუსეთის ფეხბურთის კავშირის გენერალურმა მდივანმა, მაქსიმ მიტროფანოვმა განაცხადა, რომ 11 ოქტომბერს რუსეთის ნაკრები პაკისტანს ამხანაგურად შეხვდებოდა.

თუმცა, 8 ოქტომბერს პაკისტანის ფეხბურთის ფედერაციის კომუნიკაციის მენეჯერმა, მუჰამედ იაშალმა Match TV-ს განუცხადა, რომ შეხვედრა ვერ შედგებოდა.

მომდევნო დღეს, 9 ოქტომბერს, რუსეთის ნაკრების მთავარმა მწვრთნელმა, ვალერი კარპინმა აღნიშნა, რომ ალტერნატიული შეხვედრის გამართვას განიხილავდნენ.

სიტუაციას ომარ თეთრაძე ასე გამოეხმაურა:

„დარწმუნებული ვარ, მალე დადგება დრო, როცა მთელი მსოფლიო რუსეთის ნაკრებთან მატჩზე იოცნებებს.“