ბიქსენტ ლიზარაზუ: "ჩემი აზრით, მარჯვენა ფლანგზე დუე უნდა ვიხილოთ, ხოლო კვარაცხელიამ ამ პოზიციაზე ითამაშოს"

მიუნხენის „ბაიერნის“ ყოფილმა მარცხენა მცველმა, ბიქსანტ ლიზარაზუმ ხვიჩა კვარაცხელიას მიმართ საქებარი სიტყვები არ დაიშურა და ის პარიზელთა შემადგენლობაში განსაკუთრებულ ფიგურად დაასახელა. ლეგენდარულმა ფრანგმა ფეხბურთელმა განაცხადა, რომ უსმან დემბელეს არყოფნაში შეტევის განაწილება სხვაგვარად უნდა მოხდეს.

„დემბელეს არყოფნა სერიოზული პრობლემაა, თუმცა „პარი სენ-ჟერმენს“ მაღალი კლასის სხვა მოთამაშეებიც ჰყავს. ჩემი აზრით, მარჯვენა ფლანგზე დეზირე დუე უნდა ვიხილოთ, მარცხნივ - ბრედლი ბარკოლა, ხოლო შეტევის ცენტრში იდეალური იქნება ხვიჩა კვარაცხელიას გამოყენება“, – თქვა ლიზარაზუმ.

მისი თქმით, ქართველი ვინგერი ამ სეზონში გამორჩეულია და პსჟ-ში ლიდერის როლს შესანიშნავად ასრულებს:

„ხვიჩა მთლიან გუნდს აერთიანებს და მოედნის ორივე წერტილშია – შეტევაშიც და დაცვაშიც. როგორც იტყვიან, მას შეუძლია მთელი მოედანი „დაფაროს“, ისეთი შრომისმოყვარეა. სწორედ ასეთი ხასიათის მქონე ფეხბურთელი აკლდა „პარი სენ-ჟერმენს“, და ახლა მათ ეს ტიპი ჰყავთ“, – დასძინა ლიზარაზუმ.