პსჟ-მ ზაფხულისთვის ყველაზე დიდი ტრანსფერი დაგეგმა - პარიზელები მეგა გარიგებას ამზადებენ

„პარი სენ-ჟერმენს“ თვალთახედვაში ჰყავს უკრაინის ეროვნული გუნდის ცენტრალური მცველი ილია ზაბარნი — იუწყება Sky Sport.ch.

მედიის ინფორმაციით, პარიზული კლუბი შესაძლოა ზაფხულში განშორდეს გუნდის ერთ-ერთ ლიდერსა და კაპიტანს, მარკინიოსს, რის შემდეგაც დაცვის ხაზის გაძლიერება გახდება საჭირო. პსჟ უკვე განიხილავს რამდენიმე ვარიანტს და მათ შორის ერთ-ერთი მთავარი კანდიდატია ზაბარნი. ასევე აინტერესებთ ეკვადორელი ჟოელ ორდონიესი, რომელიც ბელგიის „ბრიუგეს“ ღირსებას იცავს.

22 წლის ზაბარნი ამჟამად პრემიერლიგურ „ბორნმუთში“ თამაშობს და კონტრაქტით ინგლისურ კლუბს 2029 წლის ზაფხულამდე უკავშირდება. Transfermarkt-ის მონაცემებით, ფეხბურთელის სავარაუდო სატრანსფერო ღირებულება 40 მილიონ ევროს შეადგენს.