კიტეიშვილი ამ სეზონში "შტურმის" საუკეთესო ბომბარდირია, გრაცში ქართველი სიგიჟემდე უყვართ - ოთოზე კლუბის ყოფილმა სპორტულმა დირექტორმა ისაუბრა

"მე მოთამაშის შესაძლებლობებმა დამარწმუნა, იმდროინდელი მწვრთნელი, ჰეიკო ვოგელი მხარს მიჭერდა. მიუხედავად იმისა, რომ ტრანსფერის ღირებულება ექვსნიშნა იყო და გუნდს ამისთვის ბიუჯეტი არ ჰყოფნიდა, გუნდის ხელმძღვანელობა მის შეძენას მაინც დათანხმდა. ამ დრომდე კარგად მახსოვს მოლაპარაკებების მიმდინარეობა. ამსტერდამში სასტუმროს ტერასაზე ვიჯექი და მის აგენტთან დიდხანს ვსაუბრობდი.

კიდევ უფრო ბედნიერი ვარ, რომ ოთარი შტურმში ასეთი წარმატებულია. მას ვიცნობდი, როგორც გამორჩეულ, კეთილშობილ, მშვიდ და მოკრძალებულ ადამიანს, რომელიც მოედანზე ყველაფერს აკეთებდა. არასდროს შემიძენია უკეთესი ფეხბურთელი".