გაბრაზებული ნაპოლის პრეზიდენტი კვარაცხელიას ამ ამ სიკეთეს არ გაუკეთებს - Spazionapoli

გამოცემა Spazionapoli-ს ინფორმაციით, მიუხედავად იმისა, რომ „ნაპოლი“ სკუდეტოს ძალიან მიუახლოვდა და კლუბს იტალიის ჩემპიონობისკენ გზა თითქმის გაკაფული აქვს, ხვიჩა კვარაცხელია შესაძლოა ჩემპიონად ოფიციალურად არ აღიარონ — რაც მართლაც უცნაურ და ირონიულ ვითარებად შეიძლება შეფასდეს.

ქართველმა ფეხბურთელმა სეზონის პირველი ნახევარი წარმატებით ჩაატარა და კლუბს მნიშვნელოვანი წვლილი მიუძღვის დღევანდელ პოზიციამდე. კვარაცხელიამ 17 მატჩში 1187 წუთი ითამაშა, გაიტანა 5 გოლი და მიითვალა 3 საგოლე გადაცემა — ეს მაჩვენებელი ჯაკომო რასპადორისზე უკეთესია, რომელსაც 863 წუთში იგივე გოლების რაოდენობა და მხოლოდ ერთი ასისტი აქვს. თუმცა მიუხედავად ამისა, რადგან იანვარში „პარი სენ-ჟერმენში“ გადავიდა და ამჟამად „ნაპოლის“ რიგებში რეგისტრირებული აღარ არის, არსებობს ბიუროკრატიული რისკი, რომ მას ჩემპიონთა მედალი არ მიენიჭოს.

სერია A-ს წესების მიხედვით, ასეთ შემთხვევებში საბოლოო გადაწყვეტილება კლუბს ეკუთვნის. როგორც გამოცემა აღნიშნავს, საკითხის გადაწყვეტა მთლიანად „ნაპოლის“ ხელმძღვანელობაზეა დამოკიდებული. იმის გათვალისწინებით, რომ კლუბის პრეზიდენტ აურელიო დე ლაურენტისს ხვიჩას მიმართ ყოველთვის განსაკუთრებული დამოკიდებულება ჰქონდა, გამოცემა იმედს არ კარგავს, თუმცა ხაზგასმით ამბობს — „ამ სიტუაციაში ყველაფერი არც ისე მარტივია და შესაძლოა მედლის აღება მართლაც რთული ან საერთოდ შეუძლებელი აღმოჩნდეს“.