იქნება თუ არა რონალდუ მსოფლიო საკლუბო ჩემპიონატზე - ჯანი ინფანტინოს პასუხი

როგორც მოგეხსენებათ, ივნისში მსოფლიო საკლუბო ჩემპიონატი განახლებული ფორმატით პირველად ჩატარდება.

ამ ტურირზე ვერ მოხვდა კრიშტიანუ რონალდუს გუნდი, "ალ-ნასრი", თუმცა თავად FIFA-საც აწყობს, რომ პორტუგალიელმა ამ ტურნირზე მონაწილეობა მიიღოს.

ცნობილია, რომ რონალდუ თავის კლუბთან კონტრაქტს არ ახანგრძლივებს და დიდი ალბათობით ის სხვაგან გადაბარგდება.

FIFA-ს პრეზიდენტს, ჯანი ინაფინტინოს კრიშტიანუს შესახებ ჰკითხეს - ითამაშებს თუ არა ის მსოფლიო საკლუბო ჩემპიონატზე:

"კრიშტიანუ რონალდუმ შესაძლოა მსოფლიო საკლუბო ჩემპიონატზე ერთ-ერთ კლუბში ითამაშოს. მოლაპარაკებები აქტიურად მიმდინარეობს".

აქვე შეგახსენებთ, რომ FIFA-მ მიიღო სპეციალური რეგულაცია, რის მიხედვითაც მსოფლიო საკლუბო ჩემპიონატზე მოასპარეზე გუნდებს დროებით მხოლოდ ამ ტურნირისთვის 6 ფეხბურთელის დამატება შეუძლიათ.