ისრაელის მედია ავრცელებს ინფორმაციას, რატომ არ მოკვეთეს ამ ქვეყნის გუნდი

ისრაელს საერთაშორისო ტურნირებიდან არ მოკვეთენ, - იტყობინება Israel Hayom-ი.

ადრე გავრცელდა ინფორმაცია, რომ უეფას აღმასკომს ისრაელის მოკვეთა უნდა განეხილა, თუმცა გამოცემის ცნობით, ეს საკითხი უკვე აღარ დგას დღის წესრიგში. 

აღნიშნულია, რომ ამ პროცესში მონაწილეობა აშშ-ს ოფიციალურმა პირებმა მიიღეს, ზეწოლა განახორციელეს და უეფას მოუწოდეს „არ დაარღვიოს სტატუს-კვო“. წყაროს მტკიცებით, ისრაელს დახმარება დიპლომატებმა, საფეხბურთო ასოციაციების წარმომადგენლებმა და სპორტული საზოგადოების სხვა მაღალჩინოსნებმა გაუწიეს. ისრაელის ფეხბურთის ასოციაცია ევროპულ ტურნირებზე მონაწილეობის შეჩერებას გადაურჩა და თელ-ავივის „მაკაბი“ ევროპა ლიგაზე იასპარეზებს.

უკრაინაში შეჭრის გამო რუსეთი 2022 წლიდან ფიფასა და უეფას მიერ საერთაშორისო ტურნირებიდან მოკვეთილია. ისრაელის საკითხთან დაკავშირებით „სპორტ-ექსპრესთან“ კომენტარი სახელმწიფო დუმის დეპუტატმა დმიტრი სვიშევმა გააკეთა, რომლის თქმით, წესით ისრაელი უნდა დაესაჯათ, რუსეთის მიმართ სტრატეგიული შეცდომა იქნა დაშვებული, ახლა ისრაელის მოკვეთას ბევრი ქვეყანა მოითხოვს და თუ ეს არ მოხდა, ლოგიკურია რუსეთის დაბრუნების საკითხი დაისვას.