"მანჩესტერ იუნაიტედმა" სული დაკარგა" - რუნის მწვავე კომენტარი ყოფილ გუნდზე

„მანჩესტერ იუნაიტედის“ ლეგენდა უეინ რუნი ყოფილი კლუბის მდგომარეობას მწვავედ გამოეხმაურა. მისი თქმით, "მანჩესტერ იუნაიტედმა" დაკარგა ის იდენტობა და ძალა, რომელიც გუნდს წლების განმავლობაში განსაკუთრებულს ხდიდა.

„უბრალოდ არ ვიცი, რა ხდება, მთლიან კლუბს ვერ ვცნობ. "მანჩესტერ იუნაიტედმა" სული დაკარგა, ის აღარ არსებობს. გუნდს ახალი სიცოცხლე სჭირდება, რათა თავიდან ამუშავდეს,“ – განაცხადა რუნიმ.

აღსანიშნავია, რომ ბოლო სეზონებში „მანჩესტერ იუნაიტედი“ კრიზისშია, გუნდი ვერც ქვეყნის შიგნით და ვერც საერთაშორისო დონეზე ვერ დებს სტაბილურ შედეგებს. 

კრიტიკის ქარცეცხლში არაერთხელ მოხვედრილა როგორც კლუბის მენეჯმენტი, ასევე მწვრთნელები და ფეხბურთელები.

რუნის კომენტარი კიდევ ერთხელ უსვამს ხაზს იმ პრობლემებს, რომლებსაც „წითელი ეშმაკები“ წლებია ებრძვიან. 

კლუბის ლეგენდები ხშირად მოითხოვენ რადიკალურ ცვლილებებს – ახალი პროექტის დაწყებას, მეტ ორგანიზებულობასა და გამარჯვების სულის დაბრუნებას.