ზურიკო დავითაშვილის ტრანსფერზე თურქეთში დიდი გეგმებია

ზურიკო დავითაშვილი კვლავინდებურად ყურადღების ცენტრშია — თურქული მედიის ცნობით, ერთ-ერთ წამყვან კლუბს მისი დამატება ზამთრის სატრანსფერო ფანჯარაში სურს.

„Takvim“-ის ინფორმაციით, კლუბის პრეზიდენტი ყველაფერს გააკეთებს, რათა გუნდი ზამთარში გააძლიეროს.

მთავარი მწვრთნელი სერგენ იალჩინი უკვე მიუთითებს იმ ფეხბურთელებზე, ვისი დამატებაც სურს, და მათ შორის ქართველი გარემარბიც არის.

წყაროს ცნობით, კლუბის ხელმძღვანელობა მზადაა სერიოზული ფინანსური ნაბიჯები გადადგას დავითაშვილის ტრანსფერისთვის.

მოგეხსენებათ, ზაფხულში „სენტ-ეტიენი“ 20 მილიონ ევროს ითხოვდა, რაც მაშინ გადაულახავი ბარიერი აღმოჩნდა.

დავითაშვილმა საფრანგეთის ლიგა 2-ის მიმდინარე სეზონი შესანიშნავად დაიწყო — უკვე 4 გოლი აქვს გატანილი და გუნდის ერთ-ერთ ლიდერად ითვლება.

ცნობისთვის, ქართველ ფეხბურთელს „სენტ-ეტიენთან“ კონტრაქტი 2028 წლის ზაფხულამდე აკავშირებს, ხოლო Transfermarkt-ის მიხედვით მისი საბაზრო ფასი 10 მილიონი ევროა.