70 მილიონი ევრო მაგიდაზეა - პსჟ გოლების მანქანას ყიდულობს

"ბილდის" ცნობით, პსჟ "დორტმუნდის" 29 წლის თავდამსხმელის სერუ გირასის შეძენას აპირებს. გირასის თავის გუნდში გადაყვანით პირადადაა დაინტერესებული მწვრთნელი ლუის ენრიკე.

გირასის გამოსასყიდი 70 მილიონი ევროა, მაგრამ მხოლოდ ზოგიერთი კლუბისთვის - "რეალი", "ბარსელონა", "მანჩესტერი", "მანჩესტერ სიტი", "ლივერპული", "ჩელსი" და "არსენალი".

თავად ფეხბურთელს გუნდის დატოვება არ უნდა, რადგან "დორტმუნდში" "შტუტგარტიდან" გასული წლის ზაფხულში გადაბარგდა. "ბორუსია" მას იმ შემთხვევაში გაყიდის, თუ ჩემპიონთა ლიგაზე ვერ გავლენ.

მიმდინარე სეზონში გვინეელმა ყველ ტურნირზე 44 მატჩში 33 გოლი გაიტანა და 6 საგოლე გადაცემა გააკეთა, Transfermarkt-ის მიხედვით კი მისი ფასი 40 მილიონია.