უარი ცისარტყელის გამოსახულებიან სამკლაურზე - როგორ დასაჯეს ნანტის კაპიტანი

საფრანგეთის ლიგა 1-ის ბოლო ტურში „ნანტს“ „მონპელიესთან“ უმნიშვნელოვანესი მატჩი ელის, თუმცა გუნდს ვერ დაეხმარება კაპიტანი მოსტაფა მოჰამედი, რომელმაც LGBTQ+ თემის მხარდამჭერი სამკლაურის ტარებაზე უარი განაცხადა.

ეგვიპტელმა ფეხბურთელმა ამ გადაწყვეტილება რელიგიური შეხედულებების გამო მიიღო. თავდაპირველად გუნდის მთავარმა მწვრთნელმა, ანტუან კომბუარემ, მოჰამედის არყოფნა მცირე ტრავმით ახსნა, თუმცა მოგვიანებით აღიარა, რომ თავდამსხმელმა თამაში პროტესტის ნიშნად დატოვა.

აღსანიშნავია, რომ მსგავსი შემთხვევა არ არის პირველი – 2023 წელსაც, ანალოგიური კამპანიის დროს, მოჰამედი მატჩს არ დაესწრო.

„ნანტის“ ხელმძღვანელობამ უკვე მიიღო გადაწყვეტილება, ფეხბურთელი ფინანსურად დასაჯოს. ჯარიმის სახით ჩამოჭრილი თანხა ჰომოფობიასთან მებრძოლ არასამთავრობო ორგანიზაციას გადაერიცხება.