დაიწყებს თუ არა კვარაცხელია ოსერთან მატჩს ძირითადში - პსჟს სავარაუდო შემადგენლობა

17 მაისს, ლიგა 1-ის ბოლო ტურში პსჟ „ოსერს“ უმასპინძლებს და როგორც „პარიზიენი“ იტყობინება, მასპინძელთა გუნდის გარემარბი ხვიჩა კვარაცხელია ძირითად შემადგენლობაში იქნება.

კვარაცხელია „სტრასბურგთან“ და „მონპელიესთან“ მატჩებში განაცხადში იყო, მაგრამ მწვრთნელმა ლუის ენრიკემ არ ათამაშა. გუნდს აგრეთვე დაუბრუნდებიან ის ფეხბურთელები, რომლებმაც დაისვენეს.

პსჟ-ს სასტარტო შემადგენლობა (პარიზიენის ვერსია): დონარუმა, ჰაკიმი, ბერალდო, პაჩო, მენდეში, ზაირ-ემერი, ვიტინია, ფაბიანი, ბარკოლა, კვარაცხელია, რამუში.

მატჩი „პარკ დე პრენსზე“ თბილისის დროით 23:00 საათზე დაიწყება.