არამხოლოდ სტრასბურგი - ზურიკო დავითაშვილს მსუყე წინადადება აქვს

ზურიკო დავითაშვილი შესაძლოა ლიგა 1-ის ერთ-ერთმა წამყვანმა კლუბმა გადაიბიროს – ფრანგული მედიის ცნობით, ქართველი ფეხბურთელის დამატებით მხოლოდ „სტრასბურგი“ კი არა, სხვა გუნდებიც ინტერესდებიან.

როგორც გამოცემა GreenOnSainte წერს, დავითაშვილით „პარიზი“, „სტრასბურგი“ და „ბრესტი“ დაინტერესდნენ და სამივე კლუბმა მას კონტრაქტი უკვე შესთავაზა. ამავე წყაროს ცნობით, ფეხბურთელის საბაზრო ღირებულება ამ დროისთვის დაახლოებით 10 მილიონ ევროს შეადგენს, ხოლო „სენტ-ეტიენს“ შეუძლია მისი ტრანსფერის სანაცვლოდ სოლიდური თანხა მოითხოვოს.

გამოცემა Evect-ი აღნიშნავს, რომ ზაფხულის სატრანსფერო ფანჯარაში „სტრასბურგი“ სწორედ დავითაშვილს მთავარ სამიზნედ განიხილავს.

შეგახსენებთ, რომ ზურიკო დავითაშვილმა ლიგა 1-ში სადებიუტო სეზონი შთამბეჭდავად ჩაატარა – 33 შეხვედრაში მან 9 გოლი გაიტანა და 8 შედეგიანი გადაცემა გააკეთა.