კვარაცხელიას ტრანსფერის გამო შესაძლოა პსჟ ერთ-ერთმა ლიდერმა დატოვოს

ხვიჩა კვარაცხელიას პსჟ-ში ზამთარში მოულოდნელად შესრულებული ტრანსფერი წარმატებული აღმოჩნდა.

ფრანგული გამოცემა L'Équipe-ის ცნობით, გუნდში უკმაყოფილება გამოხატა ბრედლი ბარკოლამ, რომელიც კვარაცხელიას გადმოსვლამდე მარცხენა ფლანგის ძირითადი ფეხბურთელი იყო. ბარკოლას მიაჩნია, რომ საკუთარი შედეგებიდან გამომდინარე, გუნდს ახალი ვინგერის შეძენა არ სჭირდებოდა და ხვიჩას მოსვლამ მის სათამაშო დროსაც აშკარად დააკლო.

ამ მიზეზით, ფრანგი ფეხბურთელი ამ ეტაპზე თავს იკავებს ახალი კონტრაქტის გაფორმებისგან. მიუხედავად ამისა, „პარი სენ-ჟერმენი“ მის შენარჩუნებას მნიშვნელოვან პრიორიტეტად მიიჩნევს და მხარეებს შორის მოლაპარაკებები აქტიურად გრძელდება.