ვლადიმერ გუცაევი - კვარაცხელიას ვგულშემატკივრობთ, მაგრამ პსჟს...

ქართული ფეხბურთის ლეგენდამ, ვლადიმერ გუცაევმა პირველი არხის გადაცემა „საფეხბურთო ტაიმაუტში“ 31 მაისს დაგეგმილ ჩემპიონთა ლიგის ფინალზე ისაუბრა, სადაც ხვიჩა კვარაცხელიას პსჟ მილანის „ინტერს“ დაუპირისპირდება.

„რაც შეეხება ჩემპიონთა ლიგის ფინალს, „ინტერი“ ხელწამოსაკრავი გუნდი არ არის. „პარი სენ-ჟერმენმა“ ნაადრევად მოიპოვა ჩემპიონობა, „ინტერი“ კი ტიტულისთვის ბოლომდე იბრძოდა და, შესაძლოა, ასეთი გრაფიკით თამაში მისთვის უკეთესიც იყოს.

ამავე დროს, იტალიური კლუბების უმრავლესობის მსგავსად, „ინტერი“ არ არის მხოლოდ დაცვაზე ორიენტირებული გუნდი. იტალიელებს ძალიან კარგი ნახევარმცველები და თავდამსხმელები ჰყავთ და კონტრშეტევებზე კარგად თამაშობენ. ჩვენ, ყველა ხვიჩა კვარაცხელიას ვგულშემატკივრობთ, მაგრამ პარიზელებს რთული თამაში ელით“.