პსჟ-ს სპორტული დირექტორი ინგლისშია - პარიზელებმა ხმაურიანი ტრანსფერი დაგეგმებს

„პარი სენ-ჟერმენმა“ ინგლისურ „ბორნმუთს“ 22 წლის უკრაინელი მცველის, ილია ზაბარნის ტრანსფერის თაობაზე მიმართა, – ინფორმაციას RMC Sport-ი ავრცელებს.

გავრცელებული ინფორმაციით, ზაბარნისთან პირადი კონტრაქტის დეტალებზე შეთანხმება უკვე შედგა, თუმცა „ბორნმუთი“ მისი გაყიდვის წინააღმდეგია და ტრანსფერის შესრულებას აფერხებს.

მიუხედავად ამისა, პარიზელები ფეხბურთელის ტრანსფერისთვის ბრძოლის შეწყვეტას არ აპირებენ. პსჟ-ს სპორტული დირექტორი ლუის კამპოსი დღეს ინგლისში გაემგზავრება და „ბორნმუთის“ ხელმძღვანელებს შეხვდება.

ზაბარნი „ბორნმუთში“ 2023 წელს ჩაირიცხა და პრემიერლიგაში თავი მაღალი დონის თამაშით გამოიჩინა. Transfermarkt-ის მიხედვით, მისი სატრანსფერო ფასი 42 მილიონ ევროს შეადგენს.