მსოფლიო საკლუბო ჩემპიონატზე უსმან დემბელე 3 მატჩს გამოტოვებს - მიზეზი ცნობილია

უსმან დემბელე გამოტოვებს მსოფლიოს საკლუბო ჩემპიონატის სტარტს. „პარი სენ-ჟერმენის“ გარემარბმა ბარძაყის ტრავმა მიიღო ერთა ლიგის ნახევარფინალში, რომელშიც საფრანგეთმა 4:5 წააგო ესპანეთთან.

გამოცემა RMC Sport-ის ინფორმაციით, ფეხბურთელის აღდგენას 2-3 კვირა დასჭირდება. დემბელეს მოუწევს საკლუბო მსოფლიო ჩემპიონატის ჯგუფური ეტაპის გამოტოვება, მაგრამ მწყობრში იქნება პლეი ოფის ეტაპისთვის, თუ იქ პარიზელები მოახერხებენ გასვლას. ტურნირი 14 ივნისს დაიწყება.

საფრანგეთისა და ესპანეთის ნაკრებთა მატჩში მუხლის ტრავმა მიიღო ბრედლი ბარკოლამ და ის გამოტოვებს კვირას ერთა ლიგის „ოთხთა ფინალის“ მესამე ადგილისთვის მატჩს, მაგრამ 15 ივნისს საკლუბო მსოფლიო ჩემპიონატზე შეძლებს პსჟ-ის დახმარებას „ატლეტიკოს“ წინააღმდეგ მატჩში.