ძალიან მაგარი ამბავი - ოსიმენი არა, მაგრამ კიმ მინ ჯე ახლოსაა, ისევ კვარას თანაგუნდელი გახდეს

პსჟ ცენტრალური მცველის დამატებას აპირებს და ილია ზაბარნის (ბორნმუთი) გარდა კიმ მინ ჯეს (ბაიერნი) ტრანსფერზე მუშაობს, - იტყობინება Footmercato-ს ჟურნალისტი სანტი აუნა.

პსჟ-ს სპორტული დირექტორი ლუიშ კამპუში ამ კვირაში პარიზში 28 წლის კორეელის აგენტს შეხვდა. „ბაიერნი“ კიმის სანაცვლოდ დაახლოებით 50 მილიონი ევროს ითხოვს. მხარეებს შორის მოლაპარაკებები ამ დღეებში გაგრძელდება. მისით აგრეთვე „ალ ნასრია“ დაინტერესებული.

კიმმა გასულ სეზონში „ბაიერნში“ 27 მატჩში 2 გოლი გაიტანა. ადრე ის „ნაპოლიში“ ხვიჩა კვარაცხელიასთან ერთად თამაშობდა და შეიძლება ისევ თანაგუნდელები გახდნენ.

რაც შეეხება ზაბარნის, „პარი სენ ჟერმენში“ გადასვლაზე თანხმობა განაცხადა, „ბორნმუთი“ კი 70 მილიონზე ნაკლებად ვერ შეელევა.