პარი სენ-ჟერმენის ფორმა ახალი სეზონისთვის დამტკიცებულია

ხვიჩა კვარაცხელიას პსჟ-მა 2025/26-წლების სეზონის ახალი ფორმა წარადგინა, რომლის დიზაინიც ეიფელის კოშკს ეძღვნება. მაისურის ცენტრი მუქი ლურჯი ფერის, ასევე წითელი და თეთრი ზოლებით არის დამზადებული. მასზე გეომეტრიული ნიმუში ეიფელის კოშკის სტრუქტურითაა შთაგონებული.

მანჟეტებზე საფრანგეთის დროშაა გამოსახული, საყელოზე კი წარწერაა "Ici c'est Paris". დიზაინში ასევე ინტეგრირებულია Qatar Airways-ის ლოგო.

შეგახსენებთ, რომ ხვიჩა კვარაცხელიას პსჟ ახლა მსოფლიოს საკლუბო ჩემპიონატზე ჩაერთვება, სადაც 15 ივნისიდან მადრიდის "ატლეტიკოსთან", "სიეტლთან" და "ფლამენგოსთან" ერთად იასპარეზებს.