შეთანხმება მიღწეულია - პარი სენ-ჟერმენი ზაფხულის პირველ ტრანსფერს ასრულებს

„ბორნმუთის“ მცველმა, ილია ზაბარნიმ „პარი სენ-ჟერმენთან“ კონტრაქტის პირობები შეათანხმა. ამის შესახებ ცნობილი ჟურნალისტი, ნიკოლო სკირა წერს. 

„ილია ზაბარნი სულ უფრო ახლოსაა პსჟ-ში გადასვლასთან. ცენტრალურმა მცველმა უკვე შეათანხმა კონტრაქტის პირადი პირობები“, - წერს სკირა. მისივე ინფორმაციით, 22 წლის უკრაინელი ფეხბურთელი პარიზულ კლუბთან 2030 წლამდე მოქმედ კონტრაქტს გააფორმებს. 

შეგახსენებთ, რომ მიმდინარე სეზონში ზაბარნიმ 39 მატჩი ჩაატარა და 1 ასისტით გამოიჩინა თავი. უკრაინელი „ბორნმუთის“ ღირსებას 2023 წლის იანვრიდან იცავს. Transfermarkt-ზე მისი საბაზრო ღირებულება 42 მილიონი ევროა.