ასეთი რამ ოქროს ბურთზე პირველად მოხდა - ხვიჩა კვარაცხელიას პსჟ-ს უნიკალური მიღწევა

France Football-მა 7 აგვისტოს 2025 წლის "ოქროს ბურთის" 30 ნომინანტი დაასახელა, სიაში კი "პარი სენ ჟერმენის" ქართველი შემტევი, ხვიჩა კვარაცხელიაც მოხვდა. 

აღსანიშნავია, რომ პარიზულმა გრანდმა გუშინ რეკორდი დაამყარა. "ოქროს ბურთის" დაჯილდოვებაზე 9 პსჟ-ის ფეხბურთელი ხვიჩა კვარაცხელია, აშრაფ ჰაკიმი, უსმან დემბელე, ვიტინია, ნუნუ მენდეში, ჯანლუიჯი დონარუმა, ჟოაო ნევეში, ფაბიან რუისი და დეზირე დუე იქნება წარდგენილი. 

აქამდე რეკორდი მადრიდის "რეალს" ეკუთვნოდა. 2018 წელს Ballon d'or-ზე, რომლის გამარჯვებულიც ლუკა მოდრიჩი გახდა, "სამეფო გუნდს" 8 ფეხბურთელი წარმოადგენდა. 

ინფორმაციისთვის, წლევანდელი "ოქროს ბურთის" მოპოვების მთავარ კანდიდატად უსმან დემბელე ითვლება.