ალისონის და მამარდაშვილის დუბლიორი? - ლივერპულმა უნგრელი მეკარე შეიძინა

„ლივერპულმა“ მეკარე კივინ კელეჰერი „ბრენტფორდს“ 21.4 მილიონ ევროდ მიჰყიდა და მის ნაცვლად უნგრეთის ახალგაზრდული ნაკრების და „პუშკაშ აკადემიას“ 20 წლის გოლკიპერი არმინ პეჩი (სიმაღლე 190 სმ) დაიმატა. 

გასულ სეზონში პეჩიმ ყველა ტურნირზე 36 მატჩში კარი მშრალად 11-ჯერ შეინახა, Transfermarkt-ის მიხედვით კი მისი ფასი 800 ათასი ევროა. 

„ლივერპულში“ ძირითადი მეკარე ალისონია, მალე გიორგი მამარდაშვილი უნდა შეუერთდეს და შეიძლება პეჩი სხვა გუნდში იჯარით გაუშვან. „წითლებში“ აგრეთვე ჩეხი მეკარე ვიტეზსლავ იაროში ირიცხება.