ინგლისის პრემიერ ლიგაში ცისარტყელა კაპიტნის სამკლაურები უქმდება - რა გადაწყვეტილება მიიღეს

პრემიერლიგამ ოფიციალურად დაასრულა რვაწლიანი თანამშრომლობა ლგბტქ+ საქველმოქმედო ორგანიზაციასთან Stonewall და უარი თქვა Rainbow Laces-ის კამპანიაში მონაწილეობაზე.

2025/26 სეზონიდან ლიგის მატჩებზე აღარ გამოჩნდება ცისარტყელას ფერის სამკლავურები და ლოგოები. ამის ნაცვლად, პრემიერლიგა ახალ ინკლუზიურ ინიციატივას წამოიწყებს, რომელიც ლგბტქ+ ისტორიის თვეში, თებერვალში გაიმართება. პროექტი შეიქმნება კლუბებთან, გულშემატკივართა ჯგუფებთან და სხვა დაინტერესებულ მხარეებთან კონსულტაციის საფუძველზე.

ლიგის წარმომადგენელთა თქმით, ორგანიზაციამ შიდა რესურსების გაძლიერებით შესაძლებლობა მიიღო, თავად განახორციელოს საგანმანათლებლო და ჩართულობის პროგრამები, რომელიც კლუბებისა და ადგილობრივი თემების ფარგლებში ჩატარდება.

Stonewal-თან გაწყვეტილი თანამშრომლობა ნაწილობრივ უკავშირდება წარსულში მომხდარ დაპირისპირებებს Rainbow Laces-ის კამპანიის ფარგლებში. გასულ წლებში რამდენიმე ფეხბურთელმა ცისარტყელას სამკლავურის ტარებაზე უარი თქვა რელიგიური მიზეზებით, ხოლო ზოგმა — მოირგო, თუმცა ზედ პირადი რწმენის მიმართული წარწერები დაამატა, რამაც FA-ს წესებთან წინააღმდეგობა გამოიწვია.

პრემიერლიგა აცხადებს, რომ ინკლუზიის მხარდაჭერა კვლავ მის პრიორიტეტად რჩება, თუმცა ეს შემდეგიდან განხორციელდება დამოუკიდებელი, ლიგის მიერ შექმნილი პლატფორმის მეშვეობით.