განრისხებული კონტე ნაპოლიდან მიდის - მას პირობა არ შეუსრულეს

TuttoMercatoWeb წერს, რომ სერია A-ს ლიდერობისა და სკუდეტოს დიდი ალბათობით მოპოვების მიუხედავად, მიმდინარე სეზონის დასრულების შემდეგ, "ნაპოლის" რიგები შესაძლოა, გუნდის მთავარმა მწვრთნელმა ანტონიო კონტემ დატოვოს.

გამოცდილ დამრიგებელს კლუბის ხელმძღვანელობასთან სატრანსფერო საკითხებზე მუდმივი უთანხმოება აქვს. მაგალითისთვის, მან ზამთარში ხვიჩა კვარაცხელიას წასვლის შემდეგ ალეხანდრო გარნაჩოს მოყვანა ითხოვა, თუმცა აქედან არაფერი გამოვიდა. 

საინტერესოა, რომ ჩვენი იტალიელი კოლეგების ინფორმაციით, "პარტენოპეის" ბოსებმა ახალ დამრიგებელზე ზრუნვა დაიწყეს და მასიმილიანო ალეგრისთან პირველადი მოლაპარაკებები უკვე გამართეს. 

თუ კონტე "ნაპოლის" მართლაც დატოვებს, მისი შეცვლის მთავარი კანდიდატი ალეგრი იქნება, თავად ანტონიოს გარშემო შექმნილ სიტუაციას კი "იუვენტუსი" აქტიურად აკვირდება და შესაძლოა, გუნდის ყოფილ მწვრთნელს კონტრაქტი შესთავაზოს.