ქომაგებს ყურს არ უგდებს - ოსიმენი ახალ კლუბთან ახლოსაა

"ნაპოლიდან" "გალათასარაიში" განათხოვრებული ფორვარდი ვიქტორ ოსიმენი კარიერას დიდი ალბათობით, "ალ ჰილალში" გააგრძელებს, ამის შესახებ ინფორმაციას ფრანგული გამოცემა  FootMercato ავრცელებს.

წყაროს ცნობით, ტრანსფერით თავად ნიგერიელიც დაინტერესებულია და არაბულ კლუბში გადასვლაზე თანხმობა განაცხადა.

"ალ ჰილალი" ფეხბურთელისთვის ყველაზე რეალური ვარიანტია. მოლაპარაკებები ფეხბურთელთან მიმდინარეობს, ოსიმენი "ალ ჰილალში" გადასვლით დაინტერესებულია", - წერს გამოცემა.

შეგახსენებთ, რამდენიმე დღის წინ "გალათასარაის" ფანებმა ბანერი გამოფინეს და ნიგერიელს მიმართეს: "დარჩი ჩვენთან, ოსი - არა იმიტომ, რომ ვალდებული ხარ, არამედ იმიტომ, რომ შენც გინდა." 

როგორც ჩანს, ვიქტორი "გალაში" დარჩენას არ აპირებს.

 მიმდინარე სეზონში ოსიმენმა "გალათასარაის" მაისურით ყველა ტურნირზე 40 მატჩი გამართა, თავი კი 36 გატანილი გოლითა და 8 საგოლე პასით გამოიჩინა.