“და ვინჩის რეინკარნაციაა” - როგორ ეხმაურებიან “ნაპოლის” ქომაგები კვარას პერფორმანსს

როგორც მიგეხსენებათ, სერია ა-ს მე-2 ტურის შეხვედრაში “ნაპოლიმ” შინ “ბოლონია” მიიღო და ანგარიშით 3:0 მოიგო.

აღნიშნულ შეხვედრაში “პარტნოპეის” ქართველმა თავდამსხმელმა, ხვიჩა კვარაცხელიამ გოლი გაიტანა და საგოლე გადაცემა შეასრულა.

“ნაპოლის” ქომაგები კვარას პერფორმანს გამოეხმაურნენ:

ლეონარდო და ვინჩის რეინკარნაციაა. ხვიჩამ საოცარი ასისტი შეასრულა.

ბრწყინვალე პერფორმანსი კვარასგან. ეს ბიჭი ყოველ დღე მაოცებს.

კვარაცხელიამ გოლი შვილს მიუძღვნა და ბრწყინვალე მატჩი აჩვენა.

ასე თამაში მხოლოდ ხელოვანებს შეუძლია, კვარაცხელია კი მათ რიცხვში ნამდვილად შედის.

მგონია, რომ კვარაცხელიას ეს ასისტი სამუდამოდ მემახსოვრება.

ხვიჩას საგოლე გადაცემა წიგნში შესატანია, ამას ვერ ისწავლი, ეს თვითნაბადი ნიჭია.

კვარაცხელიას დღევანდელი პერფორმანსი იყო საოცრება.