ახლა ამის დრო არ იყო - ქოჩორაშვილი სპორტინგში ვერ ვარჯიშობს

“ქოჩორავილს სპორტინგის საწვრთნელ პროცესში მონაწილეობა არც სამშაბათს, 8 ივლისს მიუღია. ქართველი იმ ტრავმირებულ მოთამაშეებს დაემატა, რომლებთანაც რუი ბორჟესი მუშაობას ჯერ ვერ ახერხებს, თუმცა ქოჩორაშვილის შემთხვევაში ფიზიკური დისკომფორტი გამოწვეულია იმ დიდი დატვირთვებით, რომლებიც ფეხბურთელს 2024/25 წლების სეზონის დასკვნით მონაკვეთში ჰქონდა.

ქოჩორაშვილმა ლევანტეს შემადგენლობაში ესპანეთის მეორე დივიზიონის ჩემპიონის ტიტული მოიპოვა. ის გუნდის ნახევარდაცვაში საკვანძო მოთამაშე იყო და რადგან გამუდმებით იტვირთებოდა, ამის გამო გარკვეული პრობლემები შეექმნა და სპორტინგის ვარჯიშში მონაწილეობას ჯერჯერობით ამის გამო ვერ ახერხებს.

არის მოლოდინი, რომ ქოჩორაშვილი რუი ბორჟესის განკარგულებაში იქნება 11 ივლისისთვის, როდესაც სპორტინგი ამხანაგურ მატჩებს ტორეენშესა და ნასიონალთან გამართავს. ამის შემდეგ გუნდი ალგარვიში შეკრებაზე გაემგზავრება, სადაც ოთხ საკონტროლო თამაშს ჩაატარებს”, - წერს ერთ-ერთი პორტუგალიური გამოცემა.