მეგა ტრანსფერი! - ბარსელონა ვარსკვლავ მცველს ყიდულობს მეგა ტრანსფერი! - ბარსელონა ვარსკვლავ მცველს ყიდულობს » Footballnews მეგა ტრანსფერი! - ბარსელონა ვარსკვლავ მცველს ყიდულობს
გათიშვა

მეგა ტრანსფერი! - ბარსელონა ვარსკვლავ მცველს ყიდულობს

მეგა ტრანსფერი! - ბარსელონა ვარსკვლავ მცველს ყიდულობს
41 წუთის წინ
ნიკა მშვილდაძე

კატალონიური „ბარსელონა“ დაცვის ხაზის გაძლიერებას გეგმავს და ერთ-ერთ მთავარ სატრანსფერო სამიზნედ დორტმუნდის „ბორუსიას“ ცენტრალურ მცველს, ნიკო შლოტერბეკს განიხილავს.

როგორც ესპანური გამოცემა Sport იტყობინება, კატალონიური გრანდი 26 წლის გერმანელი ფეხბურთელის დამატებით ინტერესდება, თუმცა მისი გადაბირება ზამთრის სატრანსფერო ფანჯარაში რთული იქნება.

წყაროს ცნობით, შლოტერბეკის მოქმედ კონტრაქტში გათვალისწინებულია გამოსასყიდი თანხა, რომელიც 50-დან 60 მილიონ ევრომდე მერყეობს. აღნიშნული პუნქტით სარგებლობა მხოლოდ კონკრეტულ კლუბებს შეუძლიათ, რომელთა შორის „ბარსელონაც“ სახელდება.

გავრცელებული ინფორმაციით, გამოსასყიდი პუნქტი ზამთრის სატრანსფერო ფანჯარაში არ მოქმედებს, რის გამოც კატალონიელებს გერმანელი მცველის შეძენის უკეთესი შესაძლებლობა ზაფხულში ექნებათ.

აღსანიშნავია, რომ შლოტერბეკმა დორტმუნდის „ბორუსიასთან“ კონტრაქტი 2026 წლის აპრილში გაახანგრძლივა და გერმანულ კლუბთან ხელშეკრულება 2031 წლის ზაფხულამდე აკავშირებს.

მიმდინარე სეზონში გერმანიის ნაკრების ფეხბურთელმა ყველა ტურნირზე 10 შეხვედრაში მიიღო მონაწილეობა და ერთი გოლი გაიტანა.

ამ ეტაპზე „ბარსელონასა“ და „დორტმუნდს“ შორის ოფიციალური შეთანხმება არ არსებობს. შესაბამისად, უცნობია, გადადგამს თუ არა კატალონიური კლუბი კონკრეტულ ნაბიჯებს შლოტერბეკის შესაძენად.

გირჩევთ