გაირკვა - რა მოხდება "პსჟ"-ში ლუის ენრიკეს ოპერაციის შემდეგ

როგორც მოგეხსენებათ, პსჟ-ს მწვრთნელი, ლუის ენრიკე, რამდენიმე დღის წინ ველოსიპედიდან გადმოვარდა და ლავიწის ძვალი მოიტეხა. 

გამომცემა AS-ის ცნობით, 55 წლის სპეციალისტს ესპანეთში ოპერაცია გაუკეთეს.

ირკვევა, რომ 14 სექტემბერს, „ლანსთან“ ლიგა 1-ის მეოთხე ტურის მატჩში ის თავის გუნდს ვერ უხელმძღვანელებს. 

ამავდროულად, ჯერ უცნობია, დაბრუნდება თუ არა 17 სექტემბრისთვის, როდესაც „პარი სენ ჟერმენი“ ჩემპიონთა ლიგის პირველ ტურში „ატალანტას“ დაუპირისპირდება.

აქვე გეტყვით, რომ ოთხშაბათს პსჟ-მ სანაკრებო პაუზის შემდეგ ვარჯიში ენრიკეს თანაშემწის, რაფელ პოლის ხელმძღვანელობით განაახლა.