აზრი ორად გაიყო - რა ხდება "პსჟ"-ში დემბელესთან დაკავშირებით

ცნობილი ფრანული გამოცემა "l'équipe" "პარის სენ-ჟერმენთან" დაკავშირებით ახალ ინფორმაციას ავრცელებს. 

წყაროს ცნობით, მას შემდეგ, რაც უსმან დემბელემ „ოქროს ბურთი“ მიიღო, ფეხბურთელის გარემოცვა მისთვის ხელფასის მომატებას მოითხოვს.

დემბელე 18 მილიონი ევროთი პარიზულ გუნდში ისედაც ყველაზე მაღალანაზღაურებადი მოთამაშეა, Capology-ს მტკიცებით, ის ხელზე 10 მილიონს იღებს.

იწერება, რომ დემბელეს გარემოცვის აზრით ბოლო ორ სეზონში მან გუნდის წარმატებაში დიდი წვლილი შეიტანა და გასამრჯელოს გაზრდას იმსახურებს.  

გამოცემის ცნობით, "პარი სენ ჟერმენი" ადასტურებს, რომ ამჟამინდელი ხელფასი მისი სტატუსის შესაბამისი არ არის, მაგრამ ბიუჯეტის გაზრდას არ აპირებენ. 

გარდა ამისა, პარიზულ გუნდში მიიჩნევენ, რომ ფეხბურთელმა ოქროს ბურთი მეტწილად გუნდის დამსახურებით მოიგო.