ბარკოლას ხვიჩას მოსვლით უკმაყოფილოა - ფრანგს "პსჟ"-ს დატოვება სურს

L’Équipe-ის ცნობით, პსჟ-ს ახალგაზრდა ვარსკვლავი ბრედლი ბარკოლა უკმაყოფილოა კლუბის მიერ ხვიჩა კვარაცხელიას ტრანსფერის გამო. ფრანგულმა გამოცემამ გაავრცელა ინფორმაცია, რომლის მიხედვითაც, ბარკოლას არ ესმის, თუ რატომ მიიზიდა პარიელებმა ნაპოლის ქართველი შემტევი, როდესაც თავად უკვე იკავებდა ლიდერის პოზიციას მარცხენა ფლანგზე.

ბარკოლა მიიჩნევს, რომ მისი პროგრესი და სეზონის ბოლოს გასაოცარი შედეგები საკმარისი იყო, რათა პსჟ-მ მას უფრო მნიშვნელოვანი როლი მიანიჭოს მომავალ სეზონში. თუმცა, ხვიჩას მოსვლამ მისი სტატუსი, შესაძლოა, უკანა პლანზე გადაიყვანოს.

გავრცელებული ინფორმაციის თანახმად, სწორედ ამ მიზეზით თავს იკავებს ბარკოლა კონტრაქტის გახანგრძლივებისგან, მიუხედავად იმისა, რომ კლუბი აქტიურად ცდილობს მოლაპარაკებების გაგრძელებას.