იტალიელმა ჟურნალისტმა ხვიჩა აგრესიული ნეაპოლელებისგან დაიცვა: "ვინც კვარას შეურაცხყოფას აყენებთ, უნდა შეგრცხვეთ"

იტალიელმა საფეხბურთო ჟურნალისტმა, რაფაელე აურიემამ ერთ-ერთ გადაცემაში ხვიჩა კვარაცხელიას შესახებ საინტერესო კომენტარი გააკეთა:

"კვარაცხელიას აღარ უნდოდა ნეაპოლში დარჩენა და მართალიც იყო, რადგან ის მოატყუეს და სწორედ მაშინ გადაწყვიტა, წასულიყო და "პარი სენ-ჟერმენთან" ერთად ჩემპიონთა ლიგის მოგება ეცადა. მე ჯერ კიდევ ვკითხულობ ადამიანების შეურაცხმყოფელ კომენტარებს მის მიმართ — თქვენ უნდა შეგრცხვეთ.

მას შემდეგ, რაც "ნაპოლიმ" სკუდეტო მოიგო, დე ლაურენტისს კვარაცხელიასთვის კონტრაქტი მაშინვე უნდა შეეთავაზებინა და ხელფასი 200 000 ევროთი მოემატებინა, რადგან იგი ჩემპიონატის საუკეთესო ფეხბურთელი იყო. ვიმეორებ, "პარტენოპეის" ხელშეკრულება მაშინვე უნდა გაეგრძელებინა, თანაც ისე, რომ ხვიჩას ამის თქმა არც კი უნდა დასჭირვებოდა. კლუბი სხვანაირად მოიქცა, შედეგი კი ყველამ ვნახეთ. მათ შეცდომა დაუშვეს", - განაცხადა აურიემამ.