"კვარა-დემბელეს ამ ლეგენდარულ დუეტს შევადარებ" - რა თქვა იუფ ჰაინკესმა

მიუნხენის "ბაიერნისა" და მადრიდის "რეალის" ყოფილმა მთავარმა მწვრთნელმა, იუფ ჰაინკესმა ერთ-ერთ გამოცემასთან ინტერვიუ ჩაწერა.

გერმანელმა სპეციალისტმა "პარი სენ-ჟერმენზე" კომენტარი გააკეთა და კერძოდ ხვიჩა კვარაცხელიაზეც ისაუბრა:

"პსჟ არაპროგნოზირებადი გუნდია. ლუის ენრიკემ ფეხბურთელებს სულისკვეთება დაუბრუნა, რაც ფრანგებს ძალიან აკლდათ. როცა "უემბლიზე" ჩემპიონთა ლიგა მოვიგეთ, მეც ასეთი გუნდი მყავდა.

რობენი და რიბერი ყველგან დარბოდნენ, სწორედ ასე თამაშობენ ხვიჩა კვარაცხელია და უსმან დემბელეც. პსჟ მანქანაა, რომლის დამარცხებაც ურთულესი იქნება", - თქვა ჰაინკესმა.