დრო და ადგილი ცნობილია - როდის და სად ვიხილავთ კვარაცხელიას ოქროს ბურთის დაჯილდოვებაზე

ცნობილი გახდა 2024-25 წლების სეზონის „ოქროს ბურთის“ გადაცემის ცერემონიის თარიღი.

როგორც ჟურნალ „ფრანს ფუტბოლის“ ოფიციალური ვებგვერდი წერს, საზეიმო ღონისძიება 22 სექტემბერს პარიზში, შატლეს თეატრში გაიმართება. ეს იქნება „ოქროს ბურთის“ გადაცემის 69-ე ცერემონია.

გასულ წელს პრესტიჟული პრიზის მფლობელი გახდა „მანჩესტერ სიტისა“ და ესპანეთის ნაკრების ნახევარმცველი როდრი. წელს პრიზის მიღების ფავორიტები არიან უსმან დემბელე (პარი სენ-ჟერმენი), ლამინ იამალი (ბარსელონა) და რაფინია (ბარსელონა).

შეგახსენებთ, რომ 2023 წლის მსგავსად, ნომინანტებს შორის წელს საქართველოს ნაკრებისა და პსჟ-ის ვარსკვლავი ხვიჩა კვარაცხელიაც იქნება, რომელიც წამყვანი გამოცემების ბოლო ინფორმაციით, მე-7 ადგილზეა.