"ქართველი მეგონა და პრემიერ ლიგის ფეხბურთელის მამა აღმოჩნდა, რომელიც კვარას ფორმით დადის" - ანდრო ხელაძე საინტერესო ისტორიას გვიყვება

ქართველი კომენტატორი, ანდრო ხელაძე, რომელიც 21-წლამდელთა ევროპის ჩემპიონატზე სლოვაკეთში იმყოფებოდა, სოციალურ ქსელში საინტერესო პოსტს აქვეყნებს:

"მაგარი ევრო გამოვიდა. 

ბოლო წუთზე მოგებაც ვნახეთ, წაგებაც და პორტუგალიასთან მარცხის მერე, მიძინებული ტრენჩინის ქუჩებში, კვარაცხელიას ფორმიანი კაციც.

ქართველი გვეგონა, სასმელზე მივიპატიჟეთ და პრემიერ ლიგის ფეხბურთელის მამა აღმოჩნდა.

ვულვზის მოთამაშის, როდრიგო გომეშის მამა სლოვაკეთის ქუჩებში ხვიჩა კვარაცხელიას ფორმით დადის.

ცოტახანში ალბათ აღარ, მაგრამ ჯერ მაინც მიკვირს და მიხარია ასეთი ამბები", - წერს ანდრო ხელაძე.