მსოფლიო საკლუბო ჩემპიონატზე კვარას რთული გზა ელის - როგორია პსჟ-ს ბადე ფინალამდე

მსოფლიოს საკლუბო ჩემპიონატზე პლეი-ოფის ყველა წყვილი ჯერ არ არის ცნობილი, მაგრამ ჩვენი მთავარი ინტერესი ხვიჩა კვარაცხელიასა და პსჟ-ს გარშემო ტრიალებს.

მოგეხსენებათ, ისინი მერვედფინალში ინტერ მაიამის დაუპირისპირდებიან, სადაც ლიონელ მესი თამაშობს.  

შეხვედრა კვირას, 29 ივნისს, თბილისის დროით 20:00 საათზე, გაიმართება.

მეოთხედფინალში გასვლის შემთხვევაში, პსჟ, როგორც მოსალოდნელია, მიუნხენის ბაიერნისა და ფლამენგოს შორის გამარჯვებულს შეხვდება.

თუ პსჟ-მ ბაიერნის დამარცხება შეძლო და ამავდროულად მადრიდის რეალმა ჯგუფში პირველი ადგილი დაიკავა, ხოლო მანჩესტერ სიტიმ მეორე და ამ ორმა გუნდმა ნახევარფინალებამდე მიაღწია, მათ შორის გამარჯვებული პსჟს ნახევარფინალში დაუპირსპირდება.

ერთი შეხედვით, პარიზელებს საკმაოდ რთული გზა აქვთ, გარდა ევროპული გუნდებისა გამოჩნდა, რომ სამხრეთ ამერიკული კლუბებიც მოწოდების სიმაღლეზე დგანან და მათთან ხუმრობა არ შეიძლება.