"კვარაცხელია ნაპოლიში უნდა დაბრუნდეს!" - რა თქვა აგენტმა, რომელმაც ხვიჩა იტალიურ გუნდში მიიყვანა "კვარაცხელია ნაპოლიში უნდა დაბრუნდეს!" - რა თქვა აგენტმა, რომელმაც ხვიჩა იტალიურ გუნდში მიიყვანა » Footballnews "კვარაცხელია ნაპოლიში უნდა დაბრუნდეს!" - რა თქვა აგენტმა, რომელმაც ხვიჩა იტალიურ გუნდში მიიყვანა

"კვარაცხელია ნაპოლიში უნდა დაბრუნდეს!" - რა თქვა აგენტმა, რომელმაც ხვიჩა იტალიურ გუნდში მიიყვანა

5 თვის და 2 კვირის წინ

გიორგი სოხაძე

ყოფილმა იტალიელმა მცველმა და ამჟამად საფეხბურთო აგენტმა, რომელმაც ხვიჩა კვარაცხელიას ნაპოლიში ტრანსფერში დიდი მონაწილეობა მიიღო, კრისტიან ძაკარდომ ერთ-ერთი გამოცემასთან ინტერვიუ ჩაწერა.

მან პარტეპეიზე ისაუბრა და გუნდს ახალი კვარას მოძებნა ურჩია:

"მე ნაპოლისთან კვარაცხელიას რეკომენდაცია გავუწიე. მაშინ ფეხბურთელის გარემოცვასა და კლუბს შორის კარგი ურთიერთობა იყო. ხვიჩა პსჟ-ში გადასვლისთანავე ლიგა 1-ის გამარჯვებული და მთავარი გმირი გახდა. ნაპოლიმ სკუდეტო მოიპოვა... ყველასთვის შესანიშნავი სეზონი გახლდათ. იმედი მაქვს, მომავალ წელს ნაპოლი პსჟ-ს შეხვდება, რათა ხვიჩა ნეაპოლში დაბრუნდეს და ნეაპოლელთა აპლოდისმენტები მიიღოს. ის სერიოზული ბიჭია, იქაური პუბლიკა უყვარს.

ახალი კვარა? ბევრი კარგი ფეხბურთელია. მაგალითად, დავითაშვილი სენტ-ეტიენიდან. მან საფრანგეთში გოლები გაიტანა და საგოლე გადაცემები გააკეთა, ძალიან კარგი სეზონი ჩაატარა. სლოვაკეთში ევროპის ახალგაზრდულ პირველობაზე კვერნაძე ვნახე, რომელმაც პროგრესი განიცადა. თუ უფრო ახალგაზრდებზე ვისაუბრებთ, 2009 წელს დაბადებულ ანდრია ბართიშვილს დავასახელებ. ჯერ არასრულწლოვანია, მაგრამ ტალანტია. ჩემი აზრით, შეუძლია მრავალი კლუბის ყურადღება მიიპყროს. მის სახელს კიდევ გავიგონებთ“, - თქვა ძაკარდომ.