"ზურიკოს მომავალი ამაზეა დამოკიდებული" - დავითაშვილზე საჯარო განცხადება გაკეთდა

როგორც მოგეხსენებათ, ზურიკო დავითაშვილის მომავალი ჯერჯერობით გარკვეული არ არის.

აღნიშნულ საკითხთან დაკავშირებით „სენტ ეტიენის“ მთავარმა მწვრთნელმა ეირიკ ჰორნელანმა საინტერესო კომენტარი გააკეთა.

"დავითაშვილი? ეს ჩვენზეა დამოკიდებული, რადგან გასულ სეზონში მასთან გრძელვადიანი კონტრარქტი გავაფორმეთ. მიხარია, რომ ჩვენს ყველა მოთამაშეს აქვს ამბიცია, რომელიც ლიგა 2-ს სცდება, დივიზიონს, რომელშიც ვითამაშებთ, მაგრამ ისინი იმ გუნდის წევრები იყვნენ, რომელიც გავარდა.

"მისი მომავალი ჩვენზეა დამოკიდებული დარჩება თუ არა. კარგ ფინანსურ მდგომარეობაში ვართ, შესაბამისად, მისი გაყიდვის ვალდებულება არ გვაქვს. 

"თუ მას გავყიდით, ეს ჩვენი პირობებით მოხდება. ამიტომ, დარწმუნებული ვარ, ფეხბურთელები ყოველდღიურად ორიენტირებული იმუშავებენ და „სენტ ეტიენზე“ იფიქრებენ, შემდეგ კი, თუ რამე მოხდება, მოხდება“, - თქვა ჰორნელანმა.