"ხვალ მესამე მსოფლიო ომი რომ დაიწყოს..." - ფრანგული პრესა კვარას ბაიერნთან მატჩს საინტერესოდ გამოეხმაურა

Culturepsg: "თამაშის შესანიშნავი დასაწყისი, დიდი განსხვავება შექმნა, თუმცა მეორე ტაიმი უფრო ცუდი ჰქონდა".

Sofoot: "ხვალ მესამე მსოფლიო ომი რომ დაიწყოს, პსჟ-ს ისევ ექნებოდა უპირატესობა თავისი 7 ნომრის დამსახურებით".

90min: "ის თავის დონეზე თამაშობდა. პირველივე წუთებიდან ვნახეთ, რომ კარგ ფორმაში და განსაკუთრებით მოტივირებული იყო. დუეს და ბარკოლას ორი კარგი პასი გაუკეთა, რომლებიც გოლით ვერ დასრულდა. 31-ე წუთზე ინდივიდუალური მოქმედებებით გოლისგან შორს არ იყო. როგორც ხშირად ხდება, ის შეტევაშიც იყო და დაცვაშიც, დაკარგული ბურთის შემდეგ კი, 100%-ით კონტრპრესინგს თამაშობდა".

Footmercato: "ქართველმა კიდევ ერთხელ შესანიშნავად ითამაშა მარცხენა ფლანგზე. 33-ე წუთზე ნოიერმა აჯობა. 46-ე წუთზე ბოეს წინააღმდეგ მოედნის ცენტრში შესანიშნავი ფინტით გამოირჩა, რასაც შეტევა მოჰყვა. გარდა ამისა, ბარკოლა მეკარესთან პირისპირ დატოვა, მაგრამ ამ უკანასკნელმა ნოიერთან დუელი წააგო. ფლანგიდან საფრთხეს ქმნიდა, ხოლო ბოლო წუთებში მის ნაცვლად თამაშში ბერალდო ჩაერთო".

Parisfans: "კვლავ აქტიურია, როგორც ყოველთვის. პირველ ტაიმში ბაიერნი აიკლო, დასანანი კი მხოლოდ ის არის, რომ გოლი ვერ გაიტანა და ბოლო მომენტში სიზუსტე აკლდა. ყოველთვის მზადაა კონტრშეტევისთვის, მებრძოლია, რომელიც არასდროს ნებდება".