რეალური მსურველი გამოჩნდა - სად შეიძლება გადავიდეს გიორგი მიქაუტაძე

მას შემდეგ, რაც "ლიონი" ლიგა 2-ში დააქვეითეს, გიორგი მიქაუტაძის მომავალზე აქტიურად წერენ.

ამჯერად ახალ ინფორმაციას თურქული Milliyet-ი ავრცელებს, რომლის ცნობით, "გალათასარიმ" "ლიონს" გიორგი მიქაუტაძის სანაცვლოდ 20 მილიონი ევრო შესთავაზა. 

როგორც ირკევევა, თურქულ გუნდს ქართველის გადაბირება ჯერ კიდევ ზამთარში სურდა და ახლაც ამ მიზნისკენ მიილტვის. 

აქვე უნდა ვთქვათ ისიც, რომ რამდენიმე დღის წინ "რომამ" ჟორჟის 18 მილიონად ყიდვა სურდა, თუმცა ახლა თურქულმა გუნდმა 2 მილიონით მეტი შეთავაზება გააკეთა. 

ასე და ამგვარად, თუ სად გააგრძელებს მიქაუტაძე კარიერას, ამ ეტაპზე კვლავ უცნობია.