კვარაცხელია: "რა თქმა უნდა, ყველანი დაღლილი ვართ..."

მსოფლიო საკლუბო ჩემპიონატის ნახევარფინალში პარი სენ ჟერმენი მადრიდის რეალს დაუპირისპირდება.

მატჩი 9 ივლისს საქართველოს 23:00 საათზე გაიმართება.

შეხვედრამდე 1 დღით ადრე ხვიჩა კვარაცხელიამ მედიასთან მცირე კომენტარი გააკეთა:

"ყველას წინააღმდეგ სათამაშოდ მზად ვართ, მეტოქე არ გვაინტერესებს. კარგი გუნდია, მათ ყველა ფეხბურთელს პატივი უნდა ვცეთ, მაგრამ ჩვენ ჩვენს თამაშზე ვკონცეტრირდებით.

შეიძლება ცოტა დაღლილები ვართ, მაგრამ ჩვენი მიზანი ამ ტურნირის მოგებაა, აქ ზუსტად ამისთვის ვართ. ენერგია ჯერ კიდევ შემოგვრჩა, ზუსტად ამიტომ დარჩენილი მატჩების მოგებას შევეცდებით.", - თქვა ხვიჩამ.