უცხოური მედია: "კვარაცხელიას რეალთან სიზუსტე დააკლდა"

Maxifoot: "ყველას აინტერესებდა: რა მოხდებოდა, თუ ქართველი გარემარბი უფრო ზუსტი იქნებოდა? ბოლო სვლამდე, ნაპოლის ყოფილი ფეხბურთელი უნაკლო იყო, თუმცა, როდესაც საქმე შეტევის დასრულებას ეხებოდა, სიზუსტე აკლდა. ეს გამოწვეული იყო ფლანგზე მანძილის დაფარვისა და რეალის პასების ჩაჭრის განმეორებითი მცდელობებით. დაუმთავრებელი საქმის მცირედი გემო, მიუხედავად იმისა, რომ კარგი თამაში ჩაატარა".

Parisfans: "პირველ ტაიმში ტექნიკური სიზუსტის ნაკლებობა მისმა მებრძოლმა სულისკვეთებამ აანაზღაურა. მიუხედავად იმისა, რომ ამ შეხვედრაში შთაგონება აკლდა, შესანიშნავად იბრძოლა".

Footmercato: "ქართველმა, მისთვის ჩვეული სტილით ითამაშა. დაცვაში შესანიშნავად თამაშობს, თუმცა საკმაოდ დიდი მოცულობის თამაში აქვს, რომლის მხოლოდ მოწონება შეგვიძლია. მისი დუეტი ნუნო მენდეშთან იდეალურად მუშაობს. მან ასევე რამდენიმე შანსი შექმნა, მაგრამ ბოლო სვლაში სიზუსტე აკლდა. ჩვენ მას არ დავადანაშაულებთ".

90min: "როგორც ყოველთვის, ფორმაში მყოფმა ქართველმა ფლანგზე მეტოქეს [ფედერიკო ვალვერდეს] თამაში ძალიან გაურთულა. მეორე წუთზევე შეეძლო გატანა, ხოლო შემდეგ ახლოს იყო ანგარიში 4:0 გაეხადა, თუმცა ოდნავ არაზუსტად დაარტყა. მეორე ტაიმშიც რამდენჯერმე სცადა, სანამ შეცვლიდნენ".

Givemesport: "ბურთით საფრთხეს წარმოადგენდა, დაცვაშიც ჭკვიანურად თამაშობდა".

Culturepsg: "დაცვაში მონსტრი, მაგრამ შეტევაში სიზუსტის პოვნა გაუჭირდა".