ცნობილია - სად გააგრძელებს გიორგი მიქაუტაძე კარიერას

როგორც მოგეხსენებათ, ლიონს სასჯელი მოუხსნეს და შემდეგ სეზონშიც ლიგა 1-ში ითამაშებს.

ჩვენი ყურადღება, რა თქმა უნდა, გიორგი მიქაუტაძის მომავლისკენაა მიმართული.

აქამდე, სანამ ვიცოდით, რომ ლიონი დაქვეითდებოდა, ჟორჟის წასვლა აქტუალური იყო, თუმცა სასჯელის მოხსნამ ყველაფერი შეცვალა.

ფრანგული გამოცემა, Le progress წერს, რომ მიქაუტაძე ლიონში დარჩება.

ფრანგული კლუბი მას საკვანძო მოთამაშედ მიიჩნევს და მის ტრანსფერს გამორიცხავს.

თანაც ახლახანს კლუბი რაიან შერკიმ და ალექსანდ ლაკაზეტმა დატოვეს და მათთან ერთად ჟორჟის წასვლა კლუბს ცუდ დღეში ჩააგდებს.

ჟორჟის მიმართ განსაკუთრებულ ინტერესს რომა იჩენდა, თუმცა, როგორც ჩანს, მათ სხვა ფორვარდის მოძებნა მოუწევთ, რადგან ისინი 20 მილიონის ფარგლებში ცდილობენ შეტევის გაძლიერებას.

ფინანსური პრობელემების მოგვარების შემდეგ კი ლიონი მიქაუტაძეს 40 მილიონ ევროზე ნაკლებად არ გაყიდის.

შეგახსენებთ, რომ ქართველი ბომბარდირის შეძენა ასევე გალათასარაის, სანდერლენდსა და ფენერბაჰჩეს სურდათ.